Türk Yunan

[Hayvan sahiplerinin maneviyatını bozarak hayvanlarını memleketlerinde bıraktırmak gayesiyle Yunan Hükûmeti tarafından silahlandırılan çetelerin Rahovine karyesinde Mümin Kahya'nın sürüsüne saldırarak Mümin Kahya'yı öldürüp, oğlu ile çobanlardan Mustafa'yı da yaralayarak koyunlarını gasbettikleri.]

28 şubat 1924
Türkiye Cumhûriyeti
Mübâdele, İ’mâr ve İskân Vekâleti
Mübâdele ve İskân Müdîriyyet-i Umûmiyyesi
Sevkiyât Şu’besi
Umûmî: 9950
Husûsî: 542

Başvekâlet-i Celîleye

20/2/[13]40′da Drama’nın Şibce karyeli İsmail oğlu Mustafa Kahya Dedeağaç’dan yarım sa’at mesâfede Yunanlıların vâki’ ta’arruzunu müteyakkı­zâne hareketi ile def’ ederek derhâl Dedeağaç Hükûmeti’ne ihbâr eylediği hâlde ertesi gece Rahovine karyesinde Mü’min Kahya’nın sürüsüne aynı sûretle ta’arruz edilerek Mü’min Kahya’nın şehîd ve mahdûmu ile çobanlardan Mustafa’nın ağır sûretde cerhedildiği ve muta’arrızların Yunan Hükûmeti tara­fından teslîh edilen çetelerden olup yetmiş kadar koyun gasbeyledikleri İnöz Kaymakamlığı’nın iş’ârına atfen Trakya Mıntıka Müdîriyet’inden bildirilmek­dedir.

Hayvânât sâhiblerinin kuvve-i mâneviyyeleri üzerine te’sîr icrâ ederek mâ­lik bulundukları hayvânları mahallinde bırakdırmak emeliyle Yunan Hükûmeti tarafından yapdırıldığı muhtemel olan işbu mü’essif vekâyi’in adem-i tekerrürü esbâbının istikmâliyle Kavala’dan i’zâm olunan me’mûrumuzun teşebbüsü üze­rine mağsûb koyunlar istirdâd edilmiş ise de der-dest edilmeyen fâ’illerinin zâ­hire ihrâc ve tecziyesi husûsunda teşebbüsât-ı siyâsiyyede bulunularak netîcenin iş’ârı lüzûmunun Hâriciye Vekâlet-i Celîlesi’ne arzolunduğu ma’rûzdur. Efendim.

27-28/2/[13]40 Mübâdele, İ’mâr ve İskân

Vekâleti Vekili nâmına

İmzâ

BCA. 030. 10. 253. 706. 23

Yorum Bırakın